Ўзбекистоннинг Жанубий Осиё мамлакатлари билан 2024 йилдаги савдоси

2024 йилда Ўзбекистоннинг Жанубий Осиё мамлакатлари билан ташқи савдосининг умумий ҳажми 2,6 млрд. долларни ташкил этди. Ўзбекистоннинг Жанубий Осиё мамлакатларига экспорти 8 йил давомида 2,3 баробарга, импорт эса 2,9 баробарга ўсди.

Ўзбекистоннинг Жанубий Осиёга экспорти таркиби қуйидагилардан иборат:

• Электроэнергия 91 млн доллар
• Нефть маҳсулотлари 175 млн доллар
• Транспорт хизматлари 200 млн доллар
• Дуккаклилар 250 млн доллар
• Ун 328 млн доллар

Ўзбекистоннинг Жанубий Осиёга импорт таркиби қуйидагилардан иборат:

• Фармацевтика маҳсулотлари 324 млн доллар
• Машина ва ускуналар 234 млн доллар
• Қорамол гўшти 124 млн доллар
• Кимёвий маҳсулотлар 86 млн доллар
• Тўқимачилик ва кийим 65 млн доллар

2024 йилда Афғонистон билан товар айирбошлашда асосий улуш (умумий савдонинг 41%) Ўзбекистон экспортига тўғри келди, бу эса Афғонистонни фойдали савдо-иқтисодий шерикка айлантирди. 2024 йилда Афғонистон билан мева ва сабзавотлар экспорти 67,6 минг тоннани ташкил этиб, 124,4 млн долларга (улуши 3,3%) етди

Ўзбекистон ва Жанубий Осиё мамлакатлари ўртасидаги савдо ҳажми бўйича Покистон иккинчи ўринда туради. 2024 йилда Ўзбекистоннинг Покистонга экспорти қуйидаги товар позицияларидан иборат бўлди: озиқ-овқат маҳсулотлари – 192,6 млн доллар, саноат маҳсулотлари – 57,7 млн доллар, хизматлар – 41,6 млн доллар, тўқимачилик хомашёси – 4,5 млн доллар, ипак маҳсулотлари – 5 млн доллар, кимё маҳсулотлари – 1,8 млн доллар.

Экспорт таркибида асосий улушни озиқ-овқат маҳсулотлари (64,4 фоиз), саноат товарлари (19,3 фоиз), хизматлар (14 фоиз), тўқимачилик хомашёси (1,6 фоиз) эгаллади.

2024 йилда Ўзбекистоннинг Покистондан импорти қуйидаги товар позицияларидан иборат бўлди: кимё маҳсулотлари – 43,6 млн доллар, озиқ-овқат маҳсулотлари – 30,9 млн доллар, тўқимачилик маҳсулотлари – 5,7 млн доллар, қимматбаҳо бўлмаган металлардан тайёрланган буюмлар – 5,4 млн доллар, машина ва ускуналар – 3 млн доллар, транспорт хизматлари – 1,7 млн доллар.

Импорт таркибида асосий улушни қуйидаги товар позициялари эгаллади: дори-дармонлар – 33,7 фоиз, картошка – 8,2 фоиз, шампунь, совун ва бошқа гигиена воситалари – 5,7 фоиз, тўқимачилик буюмлари – 5,4 фоиз, кунжут уруғи – 2,8 фоиз, машина ва ускуналар – 2,8 фоиз, гуруч – 1,9 фоиз, қимматбаҳо бўлмаган металлардан тайёрланган буюмлар – 5,1 фоиз.

Ўзбекистон билан Ҳиндистон ўртасидаги савдо-иқтисодий ҳамкорлик сўнгги йилларда фаол ривожланди. 2024 йилда икки мамлакат ўртасидаги ташқи савдо айланма ҳажми 127 млн долларни ташкил этди.

Иқтисодий тадқиқотлар ва ислоҳотлар маркази

Жамоатчилик билан алоқалар бўлими