Тадқиқотлар

Ўзбекистонда ишбилармонлик фаоллиги индекси сезиларли даражада ортмоқда

Компонентлар даражасида қуйидаги ўзгаришлар бўлган.

Ўзбекистонда ишбилармонлик фаоллиги индекси сезиларли даражада ортмоқда

Компонентлар даражасида қуйидаги ўзгаришлар бўлган.

2025 йилнинг июль ойида Ишбилармонлик фаоллиги индекси ўтган ойга нисбатан 15,9 фоизга ортиб, 1159 бирликни ташкил этиши, қуйидаги компонентлар даражасидаги ўзгаришларга боғлиқ бўлган:

  • хўжалик юритувчи субъектларнинг банк ҳисобварақаларидаги операциялар сони 3 фоизга ортган;
  • товар-хом ашё биржасида хом ашё сотиб олиш жадаллиги 33,2 фоизга ошган;
  • фаолият кўрсатаётган хўжалик юритувчи субъектлар бўйича компонент мўтадил даражада қолди;
  • товар белгилари бўйича компонент 51 фоизга ортган.

Ҳудудлар кесимида Бухоро вилоятида энг юқори ўсиш суръати қайд этилган.

2025 йил июль ойида Ишбилармонлик фаоллиги индекси 11 та ҳудудда ўтган ойга нисбатан ўсиши кузатилган. Жумладан, Бухоро (47,9 %), Сурхондарё (42,8 %), Наманган (35,4 %) ва Самарқанд вилоятларида (33,8 %) сезиларли даражада ўсиш кузатилган (график №2).

Бироқ, Ишбилармонлик фаоллиги индекси Хоразм (2,4 %), Қорақалпоғистон Республикаси (2,2 %) ва Сирдарё (0,2 %) вилоятида камайган.

БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР

2025 йил июль ойида банклараро тўлов операциялари сони 6 501,8 минг тани ташкил этди ва 2025 йилнинг июнь ойига нисбатан 192,4 минг транзакцияга (3 %) ортган.

Банклараро тўлов операциялари сони барча ҳудудда ортган.

2025 йил июль ойида республиканинг 14 та ҳудудида юридик шахслар ўртасидаги банк операциялари сони ўтган ойга нисбатан ошган. Хусусан, Сирдарё (23,4 %), Андижон (21,2 %), Жиззах (14,8 %) ва Бухоро (9 %) вилоятида сезиларли ўсиш кузатилган.

ТОВАР-ХОМ АШЁ БИРЖАСИДАГИ ФАОЛЛИК

2025 йилнинг июль ойида ИФИнинг биржа компоненти 1,3320 бирликни ташкил этди. Бу эса, ушбу компонентнинг ўтган ойга нисбатан 33,2 фоизга ортганини англатиб, ҳар бир битим бўйича сотиб олинган товарларнинг ўртача ҳажми 38,2 фоизга ва тузилган битимлар сони 28,2 фоизга ошганлиги билан изоҳланади.

Республика товар-хом ашё биржасида товарлар савдосининг умумий айланмаси ҳажми 2025 йил июль ойида 6 656,6 млрд. сўмни ташкил этиб, ушбу кўрсаткич ўтган ойга нисбатан 2,8 фоизга ортган.

ХЎЖАЛИК ЮРИТУВЧИ СУБЪEКТЛАРНИНГ ФАОЛЛИГИ

Фаолият юритаётган хўжалик субъектлари бўйича компонент 2025 йил июль ойида 1,0000 бирликни ташкил этиб, ўтган ойга нисбатан мўтадил даражада қолган.

2025 йил июль ойида барча турдаги фаолият юритаётган хўжалик юритувчи субъектлар сони ўтган ойга (489 600 бирлик) нисбатан 1 016 бирликка камайиб, 488 584 бирликни ташкил этган.

Йирик тадбиркорлик билан шуғулланувчи корхоналар сони эса 22 тага ошган.

Ҳисобот даврида, кичик корхоналар сони 393 359 тадан 392 415 тага камайган (камайиш 944 та). Шунингдек, фермер хўжаликлари сони 92 292 тадан 92 198 тагача (-94 та) камайган. Йирик тадбиркорлик билан шуғулланаётган субъектлар сони 3 971 тани ташкил этиб, ўтган ойга нисбатан 22 тага ортган.

БРEНДЛАРНИ РЎЙХАТГА ОЛИШ

2025 йил июль ойида савдо белгилари муҳофазаси бўйича индекс 1,5097 бирликни ташкил этиб, ўтган ойга нисбатан 51 фоизга ортган. 2025 йилнинг июль ойида юридик шахслар томонидан 468 та товар белгилари ва товар номлари рўйхатга олинган.

Ўзбекистон Республикаси ва минтақалар бўйича ИФИ компонентларининг ўтган ойга нисбатан ўзгариши

Минтақалар ИФИ Ҳисоблар бўйича операциялар компоненти Индекснинг биржа компоненти Фаолиятдаги субъектлар компоненти Янги савдо маркалари компоненти
Ўзбекистон Республикаси 1159 1,0305 1,3320 1,0000 1,5097
Бухоро вилояти 1479 1,0905 2,0000 0,9929 2,6250
Сурхондарё вилояти 1428 1,0257 2,0000 1,0029 1,6000
Наманган вилояти 1354 1,0842 1,7230 1,0034 2,1429
Самарқанд вилояти 1338 1,0882 1,7259 0,9993 1,5714
Тошкент шаҳри 1286 1,0121 1,6589 1,0033 1,5683
Навоий вилояти 1248 1,0867 1,6033 0,9996 0,2000
Андижон вилояти 1137 1,2124 1,1254 0,9958 1,4444
Жиззах вилояти 1065 1,1481 0,9229 0,9935 2,5000
Қашқадарё вилояти 1064 1,0286 1,0732 0,9985 1,8333
Тошкент вилояти 1058 1,0523 1,0311 1,0013 1,8824
Фарғона вилояти 1056 1,0819 1,0476 0,9981 1,3000
Сирдарё вилояти 998 1,2336 0,8614 0,9898 0,1429
Қорақалпоғистон Республикаси 978 1,0491 0,9374 1,0026 0,5000
Хоразм вилояти 976 1,0574 0,9030 0,9967 0,8571

Ўзбекистон Республикаси ва минтақалар бўйича ИФИ компонентларининг ўтган йилнинг мос ойига нисбатан ўзгариши

Минтақалар ИФИ Ҳисоблар бўйича операциялар компоненти Индекснинг биржа компоненти Фаолиятдаги субъектлар компоненти Янги савдо маркалари компоненти
Ўзбекистон Республикаси 1143 0,9249 1,4303 1,0181 0,7697
Бухарская область 1417 1,0254 2,0000 0,9147 1,9091
Кашкадарьинская область 1415 1,0120 2,0000 1,0495 1,0000
Сурхандарьинская область 1414 0,9736 1,8372 0,9922 4,0000
Республика Каракалпакстан 1411 1,0900 2,0000 0,9981 0,3333
Самаркандская область 1367 1,0035 1,8587 1,0238 1,5714
Сырдарьинская область 1336 1,1402 1,7770 1,0105 0,1429
Джизакская область 1318 1,1132 1,7537 0,9802 0,3846
г. Ташкент 1316 0,8923 1,8680 1,0693 0,7104
Андижанская область 1301 1,4292 1,4054 0,9750 0,8125
Навоийская область 1193 1,0168 1,4748 0,9894 1,0000
Наманганская область 1180 1,0426 1,4327 0,9815 0,8824
Ферганская область 1033 0,9202 1,1848 0,9780 0,7222
Хорезмская область 1021 1,0339 1,0598 0,9797 0,6667
Ташкентская область 959 0,9073 0,9592 1,0686 0,7619

Исломбек Сапарматов

Иқтисодий тадқиқотлар ва ислоҳотлар маркази

Ўхшаш янгиликлар

Оммабоп